Արտգործնախարար Արա Այվազյանի հետ Ազգային ժողովում փակ հանդիպում էր կազմակեպվել, որի բաց մասի նրա խոսքից եւ հանդիպումից հետո էլ լրագրողների հարցերի պատասխաններից մի քանի շեշտադրում փոխանցենք: Ըստ արտգործնախարարիՙ տարածաշրջանում ստեղծված վիճակը ուժի կիրառման հետեւանք է, բայց ուժի կիրառմամբ որեւէ հակամարտություն չի լուծվում, այլ միայնՙ բանակցություններով: Այնպես որ Հայաստանը շարունակելու է Արցախի ժողովրդի ինքնորոշման հիմքով լուծման հետապնդումը բանակցություններով, Արցախին պատկանող տարածքների ապաօկուպացմանը հասնելու եւ դրանց բնակիչների անվտանգ վերադարձին ուղղված քայլերը:
Մեր ռազմագերիների խնդիրն ամենաառաջնայինն է ԱԳՆ աշխատանքում, բայց ոչ հեշտ լուծվող: Միջգերատեսչական աշխատանքային խմբի եւ ԱԳՆ-ի բոլոր խողովակներով ամենօրյա ռեժիմով աշխատանք է տարվում այդ հարցով, որի լուծումը կնպաստի վստահության մթնոլորտի ձեւավորմանը: Ըստ նախարարի, եթե Ադրբեջանը չի կատարում իր պարտավորությունը հումանիտար խնդրի շուրջ, ապա մնացած բոլոր խնդիրները կյանքի կոչելը դժվար պատկերացնելի են:
