Երկուշաբթի, Հոկտեմբերի 13, 2025
Ազգ
Wildberries
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
  • Նորություններ
    • Պաշտոնական
    • Տեղական
    • Միջազգային
    • Տնտեսական
    • Տարածաշրջանային
    • Սոցիալական
    • Մշակութային
    • Հոգևոր
    • Իրավունք
    • ՌԱԿ մամուլ
  • Վերլուծություն
    • Քաղաքականություն
    • Տնտեսական
    • Հրապարակախոսություն
  • Մշակույթ
    • Ազգային
    • Կերպարվեստ
    • ToTo
    • Երաժշտություն
      • Դասական
      • Պոպ
      • Ջազ
      • Ռոք
  • ՌԱԿ մամուլ
  • «ԱԶԳ» Շաբաթաթերթ
    • Հոդվածներ
    • «ԱԶԳ» շաբաթաթերթ, տպագիր
    • Տպագիր արխիվ 1991-2025
    • Արխիվ
  • Տեսադարան
  • Մամուլ
  • Մեր հեղինակները
Ոչինչ չի գտնվել
Տեսնել բոլոր արդյունքները
Ազգ
Ոչինչ չի գտնվել
Տեսնել բոլոր արդյունքները

ՌՈՒՍԱՍՏԱՆԻ ՀԱՅ ՀԱՍԱՐԱԿԱՅՆՈՒԹՅԱՆ ՀԱՅՏԱՐԱՐՈՒԹՅՈՒՆԸ ԱՐՑԱԽԻ ՎՐԱ ԱԴՐԲԵՋԱՆԻ ՀԱՐՁԱԿՄԱՆ ԿԱՊԱԿՑՈՒԹՅԱՄԲ

02/10/2020
- 02 Հոկտեմբերի, 2020, ԱԶԳ շաբաթաթերթ
Կիսվել ՖեյսբուքումԿիսվել ԹվիթերումՈւղարկել Տելեգրամով

Ռուս. թարգմ.ՙ Ա. ՔԵՇԻՇՅԱՆ

Սեպտեմբերի 27-ին Ռուսաստանի հայերի միությունում տեղի ունեցավ Ռուսաստանի հայ հասարակական կազմակերպությունների, գիտական եւ ստեղծագործ մտավորականության ներկայացուցիչների ժողովՙ քննարկելու Ադրբեջանի կողմից Արցախի Հանրապետության դեմ լայնամասշտաբ ռազմական գործողությունների հետ կապված իրադարձությունները:

Հանդիպումը վարում էին Ռուսաստանի հայերի միության նախագահ Արա Աբրահամյանը եւ անվանի զորավար, գեներալ-լեյտենանտ Նորատ Տեր-Գրիգորյանցը:

Հանդիպմանը մասնակցում էին Մոսկվայում Արցախի Հանրապետության մշտական ներկայացուցիչ Ալբերտ Անդրյանը, Մոսկվայի «Հայդատ» բյուրոյի ղեկավար Ներսես Ներսեսյանը, ՌՀՄ Օմսկի տարածաշրջանային մասնաճյուղի նախագահ Արայիկ Թաթոյանը եւ այլք: Ստեփանակերտի հետ անմիջական շփման ընթացքում ներկաները զրուցեցին Արցախում ՌՀՄ գրասենյակի ղեկավար, խորհրդարանի միջազգային հարաբերությունների հանձնաժողովի ղեկավար Դավիթ Մելքումյանի հետ, որը հորդորեց առաջնորդվել տեղեկատվության պաշտոնական աղբյուրների կողմից տարածված տեղեկատվությամբ եւ օգտագործել բոլոր ռեսուրսներըՙ ռուսական հանրությանը ճշմարիտ տեղեկատվություն փոխանցելու համար:

Ելույթ ունեցողներն արտահայտեցին իրենց համերաշխությունը Արցախի ժողովրդի հետ եւ իրենց ծայրահեղ անհանգստությունն ու վրդովմունքը Ադրբեջանի բարձրագույն ռազմաքաղաքական ղեկավարության գործողությունների առնչությամբ, որը, իր դաշնակից Թուրքիայի կողմից հրահրվելով, սանձազերծեց լայնամասշտաբ ռազմական գործողություններ: Միեւնույն ժամանակ, մենք վստահ ենք, որ Հայաստանի զինված ուժերը ունակ են հետ մղել յուրաքանչյուրին, որը ոտնձգություն կկատարի Արցախի եւ Հայաստանի ազատության եւ անկախության դեմ:

Մասնակիցները բոլոր հայրենակիցներին, այդ թվումՙ Ռուսաստանում բնակվող հայ երիտասարդներին, կոչ արեցին պահպանել հանդարտություն եւ չտրվել հնարավոր հրահրումների եւ սադրանքների, որոնք նպատակ ունեն, այդ թվում, հասնել հակամարտության տեղափոխմանը երրորդ երկրների տարածք, ինչպես դա եղավ հուլիսյան իրադարձությունների ժամանակ:

Հանդիպումից հետո ստեղծվեց շտաբ, որը համակարգում է Արցախին օգնության եւ աջակցության միջոցառումները:

Հանդիպման մասնակիցները կոչ արեցին բոլոր սփյուռքահայերին օգտագործել բոլոր առկա ռեսուրսներըՙ աջակցություն եւ օգնություն տրամադրելու մեր բոլոր հայրենակիցներին, որոնց կյանքն ու անվտանգությունն այսօր սպառնալիքի տակ են:

Մասնակիցները միակարծիք էին, որ հակամարտության խաղաղ կարգավորման մեջ շահագրգիռ բոլոր ուժերի համատեղ ջանքերով կգտնվեն արդյունավետ մեխանիզմներ Ադրբեջանին խաղաղություն պարտադրելու եւ ռազմական գործողությունների հետագա սրումը կանխելու համար:

Հանդիպման մասնակիցներն ընդունեցին հետեւյալ Դիմումը:

Ռուսաստանի հայ հասարակական կազմակերպությունների, երիտասարդության, գիտական եւ ստեղծագործ մտավորականության ներկայացուցիչները, ովքեր հավաքվել էին Ռուսաստանի հայերի միությունումՙ քննարկելու Արցախի Հանրապետության դեմ Ադրբեջանի կողմից պարտադրված պատերազմի հետ կապված իրադարձությունները, խստորեն դատապարտում են Արցախի Հանրապետության դեմ Ադրբեջանի զինված ուժերի լայնամասշտաբ ռազմական գործողությունների ծավալումը: Չափազանց մտահոգիչ է, որ այս անգամ Բաքվի ագրեսիային բացահայտորեն աջակցեց նրա դաշնակից Թուրքիան, ինչը հղի է տարածաշրջանում իրավիճակի լուրջ ապակայունացմամբ:

Մենք կոչ ենք անում համաշխարհային հանրությանը, Ռուսաստանի հասարակության ներկայացուցիչներին դատապարտել Ադրբեջանի գործողությունները, որոնք հանգեցնում են հակամարտության խաղաղ կարգավորման բանակցային գործընթացի լիակատար խափանմանը:

Մենք ցավում ենք զոհերի համար, այդ թվումՙ խաղաղ բնակչության շրջանում, եւ մեր անկեղծ ցավակցությունն ենք հայտնում զոհվածների ընտանիքներին եւ հարազատներին:

Մենք հայտնում ենք մեր անվերապահ աջակցությունը Ռուսաստանի դիրքորոշմանը, արտահայտված ՌԴ նախագահի, ԱԳՆ-ի եւ մի շարք քաղաքական գործիչների անհապաղ հրադադարի ռեժիմի կոչերում, եւ մենք դիմում ենք Ռուսաստանի Դաշնության` որպես Լեռնային Ղարաբաղի հակամարտության կարգավորման ԵԱՀԿ Մինսկի խմբի համանախագահ երկրի ղեկավարությանը, ինչպես նաեւ մյուս համանախագահ երկրների ղեկավարներինՙ կոչ անելով դատապարտել Բաքվի եւ Անկարայիՙ որպես այդ ծրագրված ագրեսիայի հրահրողների գործողությունները:

Մենք հրավիրում ենք Ռուսաստանի համապատասխան կառույցների ուշադրությունը, որ հարեւան երկրիՙ Ադրբեջանի տարածքում կան Սիրիայից տեղափոխված իսլամիստ վարձկանների զինված խմբավորումներ, որոնք մասնակցում են Արցախի դեմ ռազմական գործողություններին:

Կարծում ենք, որ այս իրավիճակում համաշխարհային հանրության կողմից Արցախի Հանրապետության անկախության ճանաչումը եւ ռազմա-քաղաքական դաշինքի պայմանագրի կնքումը որպես Արցախի Հանրապետության ճանաչման առաջին քայլ կարող է լինել Արցախի հուսալի պաշտպանության երաշխիք թշնամու ագրեսիայից:

Սիրելի հայրենակիցներ,

Սեպտեմբերի 27-ի վաղ առավոտվանից Ռուսաստանի հայերի միությունը հազարավոր դիմումներ է ստանում Ռուսաստանի բոլոր մարզերից մեր հայրենակիցներից եւ ընկերներից, որոնք արտահայտում են ծայրաստիճան անհանգստություն էսկալացիայի եւ պատերազմի իրական մեկնարկի կապակցությամբ եւ պատրաստակամություն են հայտնում ցանկացած աջակցություն ցուցաբերել Արցախի ժողովրդին եւ Պաշտպանության բանակին:

Մենք վստահ ենք, որ Հայաստանի զինված ուժերը, անհրաժեշտության դեպքումՙ ամբողջ համաշխարհային հայկական սփյուռքը, ի վիճակի են հետ մղել յուրաքանչյուրին, ով ոտնձգություն կկատարի Արցախի եւ Հայաստանի ազատության եւ անկախության նկատմամբ:

Միեւնույն ժամանակ, փորձությունների այս ժամին մենք կոչ ենք անում մեր բոլոր հայրենակիցներին, այդ թվումՙ Ռուսաստանում բնակվող հայ երիտասարդներին, պահպանել հանդարտություն եւ չտրվել տեղեկատվական հնարքներին, ինչպես նաեւ հնարավոր սադրիչ գործողություններին, որոնք ուղղված են ադրբեջանա-հայկական հակամարտության հրահրմանը երրորդ երկրների տարածքում, ինչպես դա եղավ հուլիսյան վերջին իրադարձությունների ժամանակ: Աշխարհի տարբեր երկրներում, այդ թվում Ռուսաստանում, հայերի վրա հարձակումները, որոնք Բաքվից էին կառավարվում, ցույց տվեցին, որ այս երկրի ղեկավարությունը միտումնավոր ձգտում է հակամարտության գոտուց այն կողմ գտնվող ադրբեջանցիներին եւ հայերին ներգրավել հակամարտության մեջ:

Կարեւոր է վստահել միայն տեղեկատվության պաշտոնական աղբյուրներին, չհավատալ ու չտարածել թշնամու կողմից շրջանառվող կեղծ լուրերը, որոնք միտված են մեր շարքերի բարոյալքմանն ու կազմալուծմանը:

Մենք կոչ ենք անում սփյուռքահայությանը օգտագործել բոլոր առկա ռեսուրսներըՙ աջակցություն եւ օգնություն տրամադրելու մեր բոլոր հայրենակիցներին, որոնց կյանքն ու անվտանգությունն այսօր սպառնալիքի տակ է:

Մենք հայտարարում ենք Ռուսաստանի հայերի միության ներքո մեկ միասնական շտաբ ստեղծելու մասինՙ Արցախին օգնության եւ աջակցության միջոցառումները համակարգելու համար:

Մենք նաեւ կոչ ենք անում Ադրբեջանի հասարակության ներկայացուցիչներին, մասնավորապես, այնտեղ բնակվող էթնիկ փոքրամասնություններինՙ չզոհաբերել իրենց երեխաների ապագան Ալիեւի եւ Էրդողանի հավակնությունների անունով եւ արտահայտել իրենց քաղաքացիական դիրքորոշումըՙ դատապարտելով պաշտոնական Բաքվի գործողությունները:

Վստահ ենք, որ բոլոր ուժերի համատեղ ջանքերով, որոնք շահագրգռված են տարածաշրջանում խաղաղության հաստատմամբ, կգտնվեն մեխանիզմներ Ադրբեջանին խաղաղություն պարտադրելու եւ այս հակամարտության հետագա սրումը կանխելու ու այն խաղաղ կարգավորելու համար:

Արցախը տարածք չէ: Արցախը մեր քաջության ու պատվի խորհրդանիշն է: Ժամանակն է, որ Ադրբեջանի ղեկավարությունը հասկանա, որ այն, ինչ նրանք անվանում են «հողեր», հայերի համար Հայրենիք է, եւ այն մարդիկ, ովքեր ոտքի են կանգնել իրենց Հայրենիքը պաշտպանելու համար, անպարտելի են:

ShareTweetShare
Նախորդ գրառումը

ՆՈՐ ՊԱՏԵՐԱԶՄԻ ԴԵՄՔԸ ՂԱՐԱԲԱՂՈՒՄ

Հաջորդ գրառումը

ՊԵՆՏԱԳՈՆԸ ՀԱՍՏԱՏՈՒՄ Է ՎԱՐՁԿԱՆՆԵՐԻ ԱՌԿԱՅՈՒԹՅՈՒՆԸ

Համանման Հոդվածներ

10 հոկտեմբերի, 2025

Երբ դատական համակարգը գործում է արդար

10/10/2025
10 հոկտեմբերի, 2025

Ընդարմացում

10/10/2025
10 հոկտեմբերի, 2025

 Աքսել Ֆիշերի պաշտպանական կողմի ցանկությունը դատավարության ձգձգումն է

10/10/2025
10 հոկտեմբերի, 2025

Թյուրքական պետությունների կազմակերպության 12-րդ գագաթնաժողովի ուղերձները

10/10/2025
Հաջորդ գրառումը

ՊԵՆՏԱԳՈՆԸ ՀԱՍՏԱՏՈՒՄ Է ՎԱՐՁԿԱՆՆԵՐԻ ԱՌԿԱՅՈՒԹՅՈՒՆԸ

Արխիվ

Loading...
«Հոկտեմբերի 2025»
Երկ Երք Չրք Հնգ Ուր Շբթ Կիր
 12345
6789101112
13141516171819
20212223242526
2728293031  
« ՍեպտեմբերիՆոյեմբերի »

Վերջին լուրեր

Նորություններ

Արցախի հակամարտությունը երկրի գերագույն գլխավոր «ստատուսագիր»/«բլոգերի» համար հակամարտություն է իր և ՀՀ նախկին ղեկավարության միջև. Տաթևիկ Հայրապետյան

13/10/2025

Այնպիսի տպավորություն է, կարծես Արցախի հակամարտությունը երկրի գերագույն գլխավոր «ստատուսագիր»/«բլոգերի» համար հակամարտություն է իր և ՀՀ նախկին ղեկավարության միջև։ Մարդ,...

ԿարդալDetails

Սուտը մեռնի՞- 6. Լևոն Զուրաբյան

13/10/2025

Ոսկին մտնում էր Հայաստան, հետո գնում էր այլ երկիր. դրա ազդեցությունը մեր տնտեսական աճի վրա զրոյական էր. Պապոյան

13/10/2025

Ողջունում եմ Հայաստանում թուրքական ներդրումները. մենք էլ այնտեղ կարող ենք ներդրումներ անել, երբ սահմանը բացվի. Պապոյան

13/10/2025

Ամերիկյան կողմի հետ կքննարկենք «TRIPP»-ի ներդրումային ծրագիրը, նաև ԱՄՆ խոշոր ընկերությունների ներդրումային ծրագրերը Հայաստանում. Պապոյան

13/10/2025
logo-white1
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։

©2024 «ԱԶԳ» վերլուծական

Welcome Back!

Login to your account below

Forgotten Password?

Retrieve your password

Please enter your username or email address to reset your password.

Log In

Add New Playlist

Ոչինչ չի գտնվել
Տեսնել բոլոր արդյունքները
  • Նորություններ
    • Պաշտոնական
    • Տեղական
    • Միջազգային
    • Տնտեսական
    • Տարածաշրջանային
    • Սոցիալական
    • Մշակութային
    • Հոգևոր
    • Իրավունք
    • ՌԱԿ մամուլ
  • Վերլուծություն
    • Քաղաքականություն
    • Տնտեսական
    • Հրապարակախոսություն
  • Մշակույթ
    • Ազգային
    • Կերպարվեստ
    • ToTo
    • Երաժշտություն
      • Դասական
      • Պոպ
      • Ջազ
      • Ռոք
  • ՌԱԿ մամուլ
  • «ԱԶԳ» Շաբաթաթերթ
    • Հոդվածներ
    • «ԱԶԳ» շաբաթաթերթ, տպագիր
    • Տպագիր արխիվ 1991-2025
    • Արխիվ
  • Տեսադարան
  • Մամուլ
  • Մեր հեղինակները

© 2025 «ԱԶԳ» վերլուծական