| Մեր թերթի հավատարիմ հեղինակներիցՙ սյունակագիր, երգիծաբան, թատերական գործիչ, կրթական մշակ եւ հասարակական գործիչ Հակոբ Միքայելյանը օրերս լույս է ընծայել իր նոր գիրքըՙ «Ճակատագրի սեւ կատուն» վերնագրով, «Լուսակն» հրատարակչության կողմից, գրասեր մի ընկերոջ մեկենասությամբ, ինչպես գրված է տիտղոսաթերթի հաջորդ էջում, որտեղ արձանագրված է նաեւ, որ գիրքը ձոնվում է դստերըՙ Նանորին:Գիրքը փաստորեն իրապատում է, հեղինակիՙ սիրիական պատերազմի օրերի փորձառությունից, դաժան փորձառությունՙ որը նա ապրել է անծանոթ զինյալների կողմից իր առեւանգման եւ փրկագնի պահանջով հնգօրյա կալանավորման ժամանակ:Ընդամենը 124 էջանոց գիրքը կարդացվում է մեկ շնչով, անշուշտՙ արեւմտահայերեն եւ դասական ուղղագրությամբ:Սա հեղինակի առաջին գիրքը չէ անշուշտ. նա հրատարակված ունի «Տիկնիկը», «Անաւարտ համանուագ», «Աշնանային մենանուագ», «Գարուն էր» պատմվածքների ժողովածուները, «Քիթի մը օրագրէն» եւ «Բաց պատուհան» հատորները: Սրանցից առաջինը երգիծական ակնարկներ են հայ կյանքի ծիծաղելի ու խոտելի երեւույթների շուրջ: Դրանց մեծ մասը հրատարակվել է, երկշաբաթյա կշռույթով, Բեյրութի «Զարթօնք» թերթի «Հալեպահայութեան էջը» շարքում: Հ. Միքայելյանը արաբերենի է թարգմանել Վարդան Այգեկցու «Աղուեսագիրք» առակների ժողովածուն:Հեղինակը անդամ է Հայաստանի գրողների միության եւ Սուրիահայ գրողների համախմբումի: |
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
ԼՈՒՅՍ Է ՏԵՍԵԼ
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական