Մարդու իրավունքների եվրոպական դատարանը որոշում է կայացրել հայ հովիվ Մանվել Սարիբեկյանի գործովՙ պարտավորեցնելով Ադրբեջանին հայցվորներին վճարել 60 հազար եվրոՙ որպես բարոյական վնասի փոխհատուցում եւ 2200 եվրոՙ որպես դատական ծախսերի փոխհատուցում:
«Սարիբեկյանն ու Բալյանն ընդդեմ Ադրբեջանի» գործով դատարանը որոշել է, որ Մանվել Սարիբեկյանի մահվան առումով տեղի է ունեցել ՄԻ կոնվենցիայի 2-րդ հոդվածի (կյանքի իրավունք) եւ խոշտանգումների վերաբերյալ կոնվենցիայի 3-րդ հոդվածի խախտում (արգելում է խոշտանգումը եւ «անմարդկային կամ նվաստացնող վերաբերմունքը կամ պատիժը»):
Հայաստանի քաղաքացի, Ճամբարակի մարզի Թթուջուր գյուղի բնակիչ Մանվել Մամիկոնի Սարիբեկյանը ադրբեջանական զինուժը գերեվարել էր 2010 թվականի սեպտեմբերի 11-ին, Շամշադինի ուղղության սահմանամերձ տարածքից, որի խոշտանգված մարմինը մեկ ամիս անց էր հանձնել Հայաստանին:
