– 100 տարի առաջ` 1920 թվականին, Հայաստանում արտադրվել է մինչեւ մեկ միլիոն ԿՎտժ էլեկտրական էներգիա: Էլեկտրակայաններում աշխատող մարդկանց թիվը չի գերազանցել 65-ը: 1920թ. Հայաստանի յուրաքանչյուր բնակչի բաժին էր ընկնում 3.2 ԿՎտժ էլեկտրական էներգիա:
– 1920թ.ին Արցախում շահագործվել է միայն մեկ հիդրոէլեկտրակայան 30 ԿՎտ հզորությամբ: Այն գտնվում էր Շուշի քաղաքի մոտ: Այս տարի կարելի է պատշաճ մակարդակով նշել այս հոբելյանը:
– 1940 թ.ին սկսվեց Սեւան-Հրազդան կասկադի առաջին աստիճանի (Սեւան ՀԷԿ-ի) շինարարությունը: Այն շահագործման հանձնվեց 1949թ:
– 1960թ.ին Անդրկովկասի երեք հանրապետությունների էներգահամակարգերը միացվեցին զուգահեռ աշխատելու համար:
– 50 տարի առաջ, 1970թ.ին, Հայաստանի էներգահամակարգի էլեկտրակայաններում տեղադրված գումարային հզորությունը կազմում էր 1677ՄՎտ, իսկ էլեկտրաէներգիայի արտադրությունը` 6107,5 միլիոն ԿՎտժ:
– 1970թ.ին շահագործման հանձնվեց Տաթեւի հիդրոէլեկտրակայանը:
– 1980թ.ին հունվարի 5-ին շահագործման հանձնվեց Հայկական ատոմային էլեկտրակայանի 2-րդ էներգաբլոկը 407,5ՄՎտ հզորությամբ:
– 1980թ.ին Հայաստանում արտադրվել է 13.4 միլիարդ ԿՎտժ էլեկտրական էներգիա: Սպառողներին տրվել է վեց միլիոն Հեկակալորիա ջերմային էներգիա:
– 1990թ.ին Երեւանի Հարավ-արեւմտյան թաղամասում շահագործման հանձնվեց 200 ՀԿալ/ժ արտադրողականությամբ կաթսայատունը: Այն ջեռուցել է 845,6 հազար քառակուսի մետր բնակելի մակերես:
– 2010թ.ին Ստեփան Պապիկյանի նախաձեռնությամբ հիմնադրվեց հայկական էներգետիկական ակադեմիան:
– 2010թ.ին շահագործման հանձնվեց Երեւանի շոգեգազատուրբինային ցիկլով աշխատող արդիական սարքավորումներով կահավորված էներգաբլոկը:
