Երեկ ԲՀԿ-ական պատգամավոր Նաիրա Զոհրաբյանն էր առաջինը ԱԺ ամբիոնից հայտնել, որ գիշերային ժամերին ներխուժել են «Ժողովուրդ» օրաթերթի եւ Armlur կայքի խմբագրություն եւ տակնուվրա արել խմբագրությունը: Ավելի ուշ խոսեցին «Ժողովուրդ» օրաթերթի ներկա խմբագիր Քնար Մանուկյանն ու նախկին խմբագիր, «Իմ քայլի» պատգամավոր Թագուհի Թովմասյանը: Առաջինը փոխանցեց լրագրողներին, թե տեղի ուեցածը լրատվամիջոցին ակնհայտ վախեցնելու եւ ճնշելու փորձ է, մանավանդ` ներխուժածներն ինչ-որ բան են փնտրել, քանի որ բոլոր դարակները բացված են: Թագուհի Թովմասյանը հակված է այն տեսակետին, թե կարող էին իրենց հրապարակած լուրի աղբյուրի մասին տեղեկություն փնտրել` արդեն իսկ իրավապահներն ավելի վաղ վերծանել էին Քնար Մանուկյանի մեկուկես ամսվա հեռախոսային խոսակցությունները (ըստ «Հրապարակի»` Մարտի մեկի գործով ցուցմունքների հրապարակման աղբյուրն են փնտրել այդ վերծանման ընթացքում), այս ներխուժումն էլ նման է աղբյուր փնտրելուն.«Ինձ համար մտահոգիչ է, որ լրագրողներն այսպես թիրախավորված են», նշել է Թ. Թովմասյանը:
Վերջին լուրեր
Ջերմաստիճանը կնվազի
Մայիսի 11-ի ցերեկը, 12-ին շրջանների մեծ մասում, 16-ի ցերեկն առանձին շրջաններում սպասվում է կարճատև անձրև և ամպրոպ։ Մայիսի 13-15-ը, 16-ի...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական