Թուրքիայի կրթության նախարարության կողմից հանրակրթական դպրոցներին բաժանված 6-րդ դասարանի աշակերտներին ուսուցանվող «Հասարակագիտություն» առարկայի դասագրքերում սխալ է հայտնաբերվել: Պարզվել է, որ հիշյալ դասագրքում եբրայերեն այբուբենը հրամցվել է որպես ույղուրական այբուբեն, մինչդեռ սեմական լեզվախմբից սերող եբրայերենը Իսրայելի պետական լեզուն է, իսկ ույղուրերենըՙ թյուրքական լեզվախմբի լեզուներից մեկը: Թուրքիայի գրողների միության նախագահ Մեհմեթ Դողանը սոցցանցում արած գրառմամբ իր դժգոհությունն է հայտնել այդ կապակցությամբ: «Կրթության նախարարության պաշտոնական դասագրքերն անորակ են, թուրքերենըՙ լի սխալներով: 1 մլն 340.000 տպաքանակով հրատարակված դասագրքերում ույղուրերեն այբուբենի փոխարեն եբրայերենն է ներկայացվել»: Թեմային անդրադարձել է նաեւ պրոֆեսոր, պատմաբան Ահմեթ Շիմշիրգիլը : Նրա խոսքով` նման խայտառակության համար պետք է կազմալուծվի Թուրքիայի կրթության եւ դաստիարակչական խորհուրդը:
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2025 «ԱԶԳ» վերլուծական