Միջազգային դոնորներից ներգրավելիք եւ մասամբ բյուջետային հատկացումներից կազմված մոտ 50 միլիարդ դրամ արժեցող ծրագրի շրջանակում միջազգային ստանդարտներին համապատասխանող մի շարք նոր քրեակատարողական հիմնարկներ կստեղծվեն Հայաստանում, հիմնականում Սիլիկյան թաղամասում` մի շարք հին ՔԿՀ-ներ փակելով: Քրեակատարողական եւ պրոբացիայի ոլորտի առաջիկա տարիների ծրագրերը կառավարության նիստում ներկայացնող արդարադատության նախարար Ռուստամ Բադասյանը այս եւ մի շարք այլ հետաքրքրական տեղեկություններ հայտնեց: Այսպես` փակվելոււ են «Նուբարաշեն» եւ «Դատապարտյալների հիվանդանոց» քրեակատարողական հիմնարկները, դրանք կմիավորվեն 1200 լրակազմով նոր կառուցվող հիմնարկում: «Գորիս» ՔԿՀ-ի փոխարեն ժամանակակից նոր, 350 տեղանոց հիմնարկ է կառուցվելու Խնձորեսկում, «Հրազդան» ՔԿՀ-ն եւս փակվելու է, նրա փոխարեն «Սեւան» ՔԿՀ-ի տարածքում ժամանակակից հիմնարկ է կառուցվելու, որոշ առումով արդիականացվելու են «Արմավիր» ՔԿՀ-ի պահման պայմաններն ու բժշկական ծառայությունները: Մի խոսքով` առաջիկա 4 տարիներին ՔԿՀ-ները, Հայաստանի համանման ներկա հիմնարկների համեմատությամբ, կարող են դրախտ թվալ` մի փոքր մեղմելով ազատազրկված մարդկանց ընտանիքների մտահոգություններն ու ծախսերը` կապված ՔԿՀ-ներում պատիժը կրող հարազատի այս կամ այն կարիքը սպասարկելու հոգսի հետ:
Վերջին լուրեր
ՆԱՏՕ-ից դուրս գալու պահանջով Թուրքիայում ստորագրահավաք է անցկացվում
Թուրքիայի «Ժողովրդական ներկայացուցիչների համագումարի» նախաձեռնությամբ ՆԱՏՕ-ից Թուրքիայի դուրս գալու պահանջով ստորագրահավաք է սկսվել, գրում է ermenihaber.am-ը: Նախաձեռնության ներկայացուցիչները նշել են, որ...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական