Ամերիկայի Հայ Ազգային (Հայ դատի) կոմիտեն հայտարարել է, որ Թերեզա Երեմյանը նշանակվել է կոմիտեի կառավարական հարաբերությունների տնօրեն: Նա Կապիտոլ Հիլում, Սպիտակ տանը եւ պետքարտուղարությունում զբաղվելու է ամերիկահայ համայնքի հայկական հարցերի վերաբերյալ առաջնահերթությունների պարզաբանման եւ տարածման աշխատանքներով: Նախքան այս նշանակումը Երեմյանը աշխատել է Հայ դատի շրջանակներում գործող Ապո Սալդեջյանի անվան CGP աշխատանքի տեղավորման ծրագրի վրա, որը քաղաքականության ասպարեզում երիտասարդ մասնագետների է պատրաստում: Նա 2017-ին է տեղափոխվել Վաշինգտոն եւ ներգրավված է եղել Արցախի ճանաչման, Ցեղասպանության թեման կրթական ոլորտ ներմուծելու, ինչպես նաեւ հայանպաստ այլ նախաձեռնությունների իրականացման գործերում:
«Մենք երջանիկ ենք, որ նման որակավորում ունեցող նվիրյալ ու արհեստավարժ մի անձնավորություն է վարելու մեր հանրային քաղաքականությունը դաշնային մակարդակով», նշել է այդ առթիվ Հայ դատի կոմիտեի նախագահ Րաֆֆի Համբարյանը:
