Փետրվարի 14- ին գերմանական «Դի ցայթ» շաբաթաթերթը հարցազրույց է հրապարակել Նիկոլ Փաշինյանի հետ: Զիլվիա Շթյոբերի «Ես չեմ առաջնորդը» ծավալուն հարցազրույցից առանձնացնենք մի հարցուպատասխան:
«Ինչպե՞ս եք ուզում ձերբազատվել օլիգարխներից» հարցին Փաշինյանը պատասխանում էՙ «Ես ընտրողներին բացատրել եմ, որ Հայաստանում այլեւս օլիգարխներ չունենք: Շատերին դա զարմացրեց, քանի որ այդ մարդիկ դեռ տեղում են եւ չպետք է նաեւ հեռանան: Բայց ի՞նչ ասել է օլիգարխ: Օլիգարխն օգտվում է արտոնություններից: Նրա համար այլ օրենքներ են գործում, նա մուտք ունի, ազդեցություն կառավարության վրա: Այժմ բոլորի համար պայմանները նույն են», «Դի ցայթ» շաբաթաթերթի հարցին այսպիսի մեկնաբանություն է տվել Հայաստանի վարչապետ Նիկոլ Փաշինյանը:
