Ինչպես անցած իշխանության ժամանակ, այնպես էլ հիմա, գիտնականները նորմալ չեն վճարվում իրենց գիտական աշխատանքների դիմաց: Մարդիկ կանՙ տասնյակներով, հարյուրներով, ովքեր իրենց ողջ գիտակցական կյանքը նվիրել են գիտությանը, ամեն տարի տպագրում են բազմաթիվ գիտական հոդվածներ, մասնագետի սեղանին դնում մենագրություններ եւ այլն: Ցավոք, դրա համար գիտնականն այսօր չի վճարվում, կամ վճարվում է այնքան, որ կարելի է դա չվճարել համարել: Իհարկե, գեղեցիկ բան է հոգեկան բավարարվածությունը, բայց համաձայնեք, որ գիտությամբ զբաղվելու համար գիտնականին նաեւ «սննդով բավարարված ստամոքս» է հարկավոր: Ավելինՙ գիտնականն ընտանիք ունի, եւ դժվար է պատկերացնել չորսամյա որեւէ երեխայի, որը սնվում է հոր կամ մոր երկերի հինգհատորյակով ու դրանից ստացված հոգեկան բավարարվածությամբ:
Վճարե՛ք կամ գոնե հաճախ պարգեւավճարեք նաեւ այդ մարդկանց…
