ՍՈՎՅԱԼՆԵՐԻ ԹԻՎՆ ԱՃՈՒՄ Է

ԱՆԱՀԻՏ ՀՈՎՍԵՓՅԱՆ, Գերմանիա

Քաղցի դեմ համաշխարհային պայքարը 2000 թվականից ի վեր թեթեւ առաջընթաց է գրանցել, սակայն վերջին մեկուկես տարվա փաստերը հույս չեն տալիս, թե արագ բարելավում է նկատվում, գերմանական առաջին հեռուստաալիքին երեկ փոխանցեց «Օգնություն սովյալներին» համաշխարհային կազմակերպության նախագահ Բերբել Դիիքմաննը : Հարավային Ասիայում եւ Աֆրիկայումՙ Սահարայից հարավ գտնվող երկրներում վիճակը շարունակում է լուրջ մտահոգել: Պատերազմները, փախստականների շարունակական աճը նպաստում են երեխաների թերսնմանը, մահացության աճին: Սովի ընդհանուր տեղեկագրի ամենամյա զեկույցի տվյալների համաձայն, 2018- ին 16 երկրներում դրական փոփոխություն չի արձանագրվել, նույնիսկ հետընթաց կա, եթե պայքարի տեմպը չփոխվի, մինչ 2030 թվականը աշխարհի 50 երկրում չի հաջողվի սովն իսպառ վերացնել: Ըստ տեղեկագրի, Հայաստանում 2018- ին այն նվազել էՙ 2000 թվականի 18, 4- ի համեմատությամբ դառնալով 7,6, Վրաստանումՙ 14, 6- ից 8,1, Ադրբեջանումՙ 27,4-ից դարձել է 9,5, Իրանումՙ 13,5-ից 7,3, Թուրքիայում 10,3- ից նվազել էՙ չհատելով 5- ի սահմանը: 0- ից 100 սանդղակում բաղձալին 0- ն է, որ նշանակում է սով չկա: