Ավստրալահայ համայնքի «Միութիւն» ազգային-քաղաքական-մշակութային ամսաթերթից տեղեկանում ենք, որ «Անատոլիական պատմություն» վերնագրով ֆրանսիական նոր ֆիլմ է պատրաստվում Հայոց ցեղասպանության մասին, հիմնված Մարկ Արենի (Կարեն Մարգարյան) «Այնտեղ, ուր ծաղկում են վայրի վարդեր: Անատոլիական պատմություն» գրքի վրա: Ֆիլմի ռեժիսորն է Արտակ Իգիթյանը , երաժշտության հեղինակըՙ Միշել Լեգրանը : Ֆիլմում, որիի նկարահանումները տեղի են ունենալու 2018-ի ընթացքում, դերեր են ստանձնելու ֆրանսիացի հանրահայտ դերասաններ Սամի Նասերին (ծանոթՙ «Տաքսի» կատակերգությունից) եւ Ժերար Դարմոն , ինչպես նաեւ հայազգի Հերմինե Ստեփանյանը :
Մարկ Արենի վեպում նկարագրվում են ապրումները հայատյաց մի թուրքի, որն իր ծերության տարիներին հայտնաբերում է, որ ծնողները հայ են եղել:
