ՆՈՐ ՀՐԱՏԱՐԱԿՈՒԹԻՒՆՆԵՐ

Գ. ԵՍԶԸՃԵԱՆ

– Աբովեան Խաչատուր, «Վէրք Հայաստանի» , արեւմտահայերէնի փոխադրումը եւ նախաբանըՙ Արմենակ Եղիայեանի, Բ. հրատարակութիւն, ներածական գրութիւններ մատենաշարի հիմնադիր-հրատարակիչ Խաժակ Գալուստեանի եւ հայրենի գրականագէտ Երուանդ Տէր Խաչատուրեանի, «Հայոգի» մատենաշար թիւ 9, Համազգայինի Վահէ Սէթեան տպարան, Պէյրութ, 2017, 464 էջ (14.3 x 21.5 սմ.):

– Աթաշ Մուրատ, «Արմինէ (Չարաք լեռան աքսորը)» , խմբագիրՙ Ռոպեր Թոփթաշ, «Արաս» հրատարակչութիւն, Սթամպուլ, 2017, 224 էջ (Սեբաստիոյ շրջանի գիւղերէն մէկուն եղեռնը եւ տարագրութիւնը) (թրքերէն):

– Ալեքսանեան Երուանդ, «Մղուած դէպի ցեղասպանութիւն – Օսմանեան թրքական բանակի հայ զինուորի մը յուշերը» , հրատարակիչՙ Ատրիէն Երուանդի Ալեքսանեան, ներածութիւնըՙ Սերճիօ լա Փորթայի, մուտքի խօսքըՙ Իսրայէլ Չարնիի, Կլենտէյլ, Ա. Մ. Ն., 2017 (սեբաստացի հայ զինուորի ականատեսի վկայութիւնները Մեծ Եղեռնէն ու յետագային Ա. Մ. Ն. հաստատուած այս հայուն կեանքի պատմութիւնը) (անգլերէն):

– Աճէմեան Սիլվի (կազմող), «Երգիծանկարիչ Տիրան Աճէմեան 1904-1991» , Պէյրութ, 2017, 200 էջ (հայկական եւ օտար մամուլին տասնամեակներով աշխատակցած լիբանանահայ անուանի երգիծանկարիչին գունաւոր եւ սեւ-ճերմակ 223 երգիծանկարներու ալպոմը) (ֆրանսերէն):

(Շարունակելի)