Հունվարի 22-26-ը Ստրասբուրգում կանցկացվի Եվրոպայի խորհրդի Խորհրդարանական վեհաժողովի ձմեռային նստաշրջանը, որի շրջանակումՙ հունվարի 24-ին ելույթ կունենա նաեւ Հայաստանի նախագահ Սերժ Սարգսյանը: Սա կարեւոր իրադարձություն է ինչպես Հայաստանի, այնպես էլ իր նախագահական շրջանն ավարտող Սերժ Սարգսյանի համար, որը մինչեւ իր ելույթը հանդիպելու է Ֆրանսիայի նախագահ Էմանուել Մակրոնի հետ: Այսինքն տարբեր հարցերի վերաբերյալ Հայաստանի մոտեցումները միանգամից երկու ամբիոնից են հնչելու` Ստրասբուրգում եւ Մակրոնի հետ հանդիպմանը: Երկուսն էլ լավ առիթ են ԵՄ հետ համաձայնագիր ստորագրելուց հետո մի անգամ եւս հիշեցնելու Հայաստանի դավանած արժեքների (մանավանդ ԵՄ անդամ երկրներում սկսել են վավերացնել Հայաստան-ԵՄ համաձայնագիրը), երկրի առաջ կանգնած խնդիրների, Արցախյան հարցի բանակցությունների ներկա հանգրվանում Հայաստանի դիրքորոշման մասին: Մակրոնի հետ հանդիպումը կարեւորվում է որպես Մինսկի խմբի համանախագահ երկրի ղեկավարի, բացի այդ` այս տարվա աշնանը սպասվելիք ֆրանկոֆոն երկրների հայաստանյան հանդիպման համատեքստում:
Վերջին լուրեր
500 հազարից 1,5 մլն դրամ. Աննա Հակոբյանը ամանորյա վիճակահանության տոմսերի գին է սահմանել
2024թ․ դեկտեմբերի 30-ին «Իմ Քայլը» բարեգործական հիմնադրամը, որի գործադիր տնօրենը Փաշինյանի կինն է, կկազմակերպի ամանորյա մեծ վիճակահանություն, որի արդյունքով հաղթող...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական