Էներգետիկայի զարգացումը կարեւոր նշանակություն ունի որեւէ երկրի տնտեսության հետագա զարգացման գործում: Այս տեսակետից ավելի են կարեւորվում նորանկախ Արցախի Հանրապետության էներգետիկայի զարգացման հիմնահարցերը: Դեկտմբերի 26-ին Երեւանի Արցախյան ներկայացուցչյունում հանդիսավոր պայմաններում տեղի ունեցավ պետական պարգեւների հանձնման հանդիսավոր արարողություն: Արցախի հանրապետության էներգետիկայի զարգացման բնագավառում ունեցած նշանակալի ներդրման համար Կառլեն Ավետիսյանը «ԷՌԱ» ՍՊ ընկերության տնօրեն Մանուկ Պապիկյանին եւ գլխավոր ինժեներ, էներգետիկայի բնագավառի անվանի գիտնական, տեխնիկական գիտությունների թեկնածու, էներգետիկայի հարցերով «Ազգ»ի աշխատակից Ստեփան Պապիկյանին հանձնեց Արցախի Հանրապետության պետական պարգեւՙ «Երախտագիտություն» մեդալը: Հրամանագիրը ստորագրել է Արցախի նախագահ Բ.Սահակյանը:
Հարկ է նշել,որ այս տարի Արցախում Թարթառ գետի վրա շահագործման է հանձնվել «Ջերմաջուր» հիդրոէլեկտրակայանը 12 ՄՎտ գումարային հզորությամբ: Հիմնական սարքավորումները բերվել են Եվրոպայից: Արդիական սարքավորումներով կահավորված հիդրոէլեկտրակայան է: Շահագործվում է տեղական մասնագետների կողմից: Այն տարեկան կարող է արտադրել ավելի քան 80 միլիոն Կվտժ էլեկտրական էներգիա: էներգետիկան Արցախում օրեցօր զարգանում է:
Զրույցի ժամանակ քննարկվեցին տարաբնույթ հարցեր կապված Արցախի էներգետիկայի արդի վիճակի եւ զարգացման խնդիրների շուրջ:
