«Ավրորա» մարդասիրական նախաձեռնության պատասխանատուները հայտարարել են, որ ՄԱԿ-ում Մ. Նահանգների նախկին դեսպան Սամանթա Փաուերը ընդգրկվել է «Ավրորա» մրցանակաբաշխության թեկնածուների ընտրության ժյուրիի կազմում: Փաուերը Օբամայի վարչակազմում Ազգային անվտանգության գծով նախագահի հատուկ օգնականն էր եւ մարդու իրավունքների պաշտպանության հանձնաժողովի տնօրենը: Նա նաեւ հեղինակ է պուլիցերյան մրցանակի արժանացած «Խնդիրը դժոխքից: Ամերիկան եւ ցեղասպանության դարաշրջանը» (A Problem from Hell: America and the Age of Genocide) հատորի:
«Վստահ ենք իր փորձառությամբ նա կնպաստի ճիշտ ընտրություն կատարել թեկնածուների միջից», նշել է Նուբար Աֆեյանը:
«Ազգ»ի կողմից հիշեցնենք, որ Սամանթա Փաուերը իր պաշտոնավարության ողջ շրջանում բնավ աչքի չընկավ հայանպաստ որեւէ դիրքորոշմամբ, հուսախաբություն պատճառելով ամերիկահայերին: Սովորաբար մարդիկ փոխվում են պետական պաշտոն ստանձնելուց: Գուցե Սամանթան էլի՞ փոխվի, երբ այժմ պաշտոն չի զբաղեցնում:
