Ֆրանսիայում ավարտվեց դատական նիստը, որտեղ քննվում էր Ադրբեջանի հայցն ընդդեմ ֆրանսիական լրատվամիջոցի ու նրա լրագրողների: Լրագրողները եթերում Ադրբեջանն անվանել էին աշխարհի ամենավայրագ բռնապետություններից մեկը, ինչը եւ դուր չէր եկել աշխարհի ամենավայրագ բռնապետություններից մեկին: Դատարանը որոշեց, որ լրագրողներն ու լրատվամիջոցը ֆրանսիական, միջազգային, էթիկական որեւէ օրենք չեն խախտել ու Ադրբեջանի հայցը ենթակա չէ բավարարման:
Ի դեպ, ֆրանսիական դատարանը մոռացել է որոշման մեջ հատուկ շեշտել, որ «Ադրբեջանն աշխարհի ամենավայրագ բռնապետությունն է» կարելի է ասել ամեն տեղ, բացի Ադրբեջանից: Այնտեղ դատարանը կարող է պատժել դրա համար, կացնով:
