Ստեփան ՊԱՊԻԿՅԱՆ, Ժուռնալիստների միջազգային ֆեդերացիայի անդամ
Լույս է տեսել «Հայ տնտեսագիտական մտքի երկու դարը» գիտակենսագրական հանրագիտարանը: Այս գիրքը, որի ծավալը կազմում է 464 էջ, արտացոլում է հայ տնտեսագետների համայնքի հետազոտական պարագծերըՙ սկսած XIX դարի կեսերից:
Գրքի հեղինակներինՙ Ռ.Ն.Սարինյան եւ Վ.Լ. Հարությունյան, հաջողվել է ստեղծել հանրագիտարանային մեծ արժեք ներկայացնող աշխատություն:Այն երաշխավորել է հրատարակության ՀՀ ԳԱԱ Մ.Քոթանյանի անվան տնտեսագիտության ինստիտուտի գիտական խորհուրդը: Հարկ է նշել, որ գրքի հեղինակները մեծ վաստակ ունեցող անվանի գիտնականեր են: Նրանց գիտական աշխատությունները մեծ ճանաչում են ստացել ոչ միայն Հայաստանում, այլեւ արտասահմանում:
Գրքում ներկայացված են տնտեսագիտության բնագավառի մեծ վաստակ ունեցող գիտնականների կենսագրականները իրենց լուսանկարներով: Աշխատությունն ունի նաեւ աղբյուրագիտական նշանակություն: Աշխատությունը նախատեսված է ոչ միայն մասնագետների, այլ նաեւ ընթերցող լայն շրջանների համար:
