ԱՄՆ-ում, Լոս Անջելեսի իր տանը մահացել է 91-ամյա Հյու Հեֆները: Նա Playboy ամսագրի հիմնադիրն ու գլխավոր խմբագիրն էր:
Հեֆները ծնվել է 1926-ին Չիկագոյում, հավատացյալների ընտանիքում: Հեֆները իր վերջին հարցազրույցներում հիշել էր, որ իրենց ընտանիքում ոչ միայն սեքսի մասին երբեք չէին խոսում, այլեւ իր ծնողները ոչ մի անգամ ցույց չէին տալիս սերՙ ոչ ֆիզիկական, ոչ էլ էմոցիոնալ առումներով…
Չորս տարի առաջ Հեֆները երրորդ անգամ ամուսնացավ: Նրա վերջին կինըՙ Քրիստալ Հարիսը, Playboy-ի մոդելներից մեկն էր ու Հեֆներից փոքր 60 տարով: Հեֆների կարողությունը գնահատվում է 43 միլիոն ԱՄՆ դոլար:
