«Ավրորայի» նոր նախաձեռնությունը
Ընդարձակելով իր գործունեությունը, «Ավրորա» մարդասիրական ընկերությունը նոր կրթաթոշակ է սահմանել եզդի ուսանողների համար, համագործակցելով Լամիա Հաջի Բաշարիՙ ճանաչված եզդիՙ մարդու իրավունքների ակտիվիստի հետ: Լամիայի անվան կրթաթոշակը տարեկան տրամադրվելու է ի պատիվ նրա պայքարի (2014-ից սկսած) ընդդեմ ԻՊ-ին հարող ահաբեկիչների սեռական ոտնձգություններին: «Գերությունից» նրան հաջողվում է փախչել 2016-ին, սակայն հայտնվում է ականապատ մի դաշտում, որտեղ պայթյունից մեծ վնասներ է ստանում: Ներկայիս Գերմանիայում նա պայքարում է հանուն եզդիների իրավունքների ճանաչմանը:
Նոր կրթաթոշակից առաջին օգտվողը լինելու է Մոսուլից 18-ամյա ուսանող Աիդո Խիրո Օմարը, որին ընտրել են ակադեմիական գերազանցության եւ Իրաքի որբերին կրթվելու հնարավորություն տալու նրա բուռն ցանկության համար:
Օմարը երկու տարի սովորելու է Դիլիջանի UWC միջազգային կրթօջախում, որտեղ 82 երկրներից եկած երեխաներ են ուսում ստանում:
Նկար 1. Լամիա Հաջի Բաշար
