ԱՄՆ նախագահ Թրամփը երկրից չի վտարի ապօրինի միգրանտների երեխաներին, որոնք ԱՄՆ են եկել իրենց կամքից անկախ ու տարիներ շարունակ ապրում են այդ երկրում: «Երազողները», ինչպես նրանց կոչում են, մոտ 800 հազար են կազմում, չնայած նրանց թիվը կարող է անհամեմատ ավելի մեծ լինել:
Թրամփը գնացել է այս զիջմանըՙ դեմոկրատների հետ բանակցություններից հետո, որոնք իրենց հերթին համաձայնել են Թրամփի հետ միասին մշակել երկրի սահմանային անվտանգության հստակ մեխանիզմ, ինչը չի ներառում Մեքսիկայի սահմանին պատի կառուցումը:
«Մենք որոշեցինք շարունակել DACA-ի շրջանակներում միգրանտների պաշտպանությունը, ու փոխարենը մշակել սահմանային անվտանգության բարձրացման նոր փաթեթ», հայտարարել են ԱՄՆ Դեմոկրատական կուսակցությունից:
Ստացվում է, որ ԱՄՆ մեկնելու մասին կարելի է չերազել անգամ, իսկ ԱՄՆ-ում երազելը նորից է թույլատրվում:
