Էթնիկապես խառը բնակչություն ունեցող, նավթով հարուստ Քիրքուկի նահանգային 41 անդամ ներառող խորհրդի 24 ներկաներից 22-ը կողմ է քվեարկել մասնակցելու սեպտեմբերի 25-ին նախատեսված Քուրդիստանի անկախության հանրավքեին: Խորհուրդը կազմված է 26 քուրդերից, 9-ը թյուրքմեններից եւ 6 արաբներից: Թյուրքմեններն ու արաբները բոյկոտել են նիստը:
Չնայած Բաղդադը պնդում է, որ Քիրքուկը «վարչականորեն կախյալ է» Իրաքի կենտրոնական կառավարությունից, քուրդերից շատերը, ներառյալ Քուրդիստանի հայրենասիրական միությունը, որը վերահսկում է նահանգի քաղաքական կյանքը, պահանջում են, որ նահանգը միանա քրդական շրջանին, որ պատրաստվում է անկախություն ձեռք բերելուն:
Քիրքուկի կառավարիչ Նաջիմ Էդդին Քարիմը «պատմական իրադարձություն» է համարել քվեարկությունը:
Իրաքի վարչապետ Հեյդար էլ-Աբադին , սակայն, «սխալ» է բնութագրել հանրաքվեին մասնակցելու Քիրքուկի խորհրդի քայլը, ըստ «Ալ-Ջազիրայի»:
