ՌԴ նախագահ Վլադիմիր Պուտինը դարձել է ԱՄՆ նախկին գլխավոր քարտուղարների հեղինակած գրքերի առանցքային դեմքը: Քոնդոլիզա Ռայսը օրերս ներկայացրեցՙ Պուտինի հետ շփումների մասին իր գիրքըՙ «Անվանիր ինձ Վլադիմիր Մեծ» անունով, եւ ահա Հիլարի Քլինթոնը հրապարակեց իր գիրքը, որը ճիշտ է, Պուտինի մասին չէ, բայց ՌԴ նախագահին նվիրված հատվածներ ունի: Տիկին Քլինթոնը պատասխանելով հարցին, թե ինչո՞ւ ինքը պարտվեց Թրամփինՙ ԱՄՆ նախագահի վերջին ընտրություններում, գրել է. «Քանի որ Պուտինն իմ հանդեպ անձնական վենդետա ունի»:
Ի դեպ, Պուտինի մամուլի խոսնակ Պեսկովը հայտարարել է, որ ՌԴ նախագահը Հիլարի Քլինթոնի գիրքը չի կարդացել. «Նախագահ Պուտինը ցանկություն չունի կարդալու Հիլարի Քլինթոնի հուշերը, չնայած լսել է այդ գրքի մասին», ասել է Պեսկովը: Հատկանշական է, որ Պեսկովը ոչինչ չի նշել Ռայսի գրքի մասին, ինչից ենթադրում ենք, որ Պուտինը կա՛մ կարդացել է «Անվանիր ինձ Վլադիմիր Մեծ» գիրքը, կա՛մ էլ կարդում է: Պեսկովը նաեւ հայտարարել է, որ Պուտինը Թրամփին է ներկայացրել ՌԴ-ԱՄՆ հարաբերությունները կարգավորելու ճանապարհային քարտեզ:
Սպասենք Թրամփի գրքին: Իմիջիայլոցՙ Ռուսաստանում գիրք չե՞ն գրում:
