Հունիսի 21-ին Մեծ Բրիտանիան տոնում էր թագուհի Եղիսաբեթի ծննդյան օրը: Բրիտանիայի պատմության ամենաերկարակյաց միապետը 91 տարեկան է: Այս կապակցությամբ նախագահ Սարգսյանն այցելել է Երեւանում Միացյալ Թագավորության դեսպանատուն եւ դեսպանին փոխանցել իր շնորհավորանքը:
Լոնդոնում, սակայն, տոնական միջոցառումները սկսել են մեկ րոպե լռությամբՙ հարգելով լոնդոնյան վերջին ահաբեկչական եւ ոչ ահաբեկչական աղետների զոհերի հիշատակը: Ապա սկսվել է ազգային տոնը. նվագախումբը նվագել է բրիտանական օրհներգըՙ «Աստված պահպանիր թագուհուն», թագուհին էլ հանդես է եկել ավանդական բացման ճառով: Ի դեպ, Եղիսաբեթ Երկրորդի ամուսինըՙ Էդինբուրգի հերցոգ Ֆիլիպը, տիկնոջ ծննդյան օրվան նվիրված միջոցառումը բաց է թողել, քանի որ հոսպիտալացվել է: Բժիշկները նշում են, որ լուրջ բան չկա, թեթեւ վիրուս է, կանցնի… Այդուհանդերձՙ Աստված պահպանիր… հերցոգ Ֆիլիպին:
