Հակակարկտային պաշտպանության նորՙ հրթիռային եղանակի ներդրման պիլոտային ծրագիր կիրականացվի Արագածոտնի եւ Լոռու մարզերում: Այդ նպատակով, կառավարության երեկվա որոշմամբ, պահուստային ֆոնդից մոտ 361 մլն դրամ կհատկացվի արտակարգ իրավիճակների նախարարությանը: Հիմնավորման համաձայն, միայն 2016-ի ընթացքում կարկտահարություններից գյուղատնտեսությանը հասցվել է մոտ 34 մլրդ դրամի վնաս, ինչը փաստում է, որ հրատապ անհրաժեշտություն է առաջացել հակակարկտային պաշտպանության նոր եղանակների կիրառման համար:
Նշենք, որ գազային հակակարկտային համակարգի արդյունավետությունը կազմում է 60-65 տոկոս, իսկ հրթիռայինըՙ 90 տոկոսից ավելի:
