Փարիզի Հ.Բ.Ը.Մ.ի Նուբարյան գրադարանի տնօրեն դոկտ. Բորիս Աճեմյանը փետրվարի 16-ին Բելմոնտի (Մասաչուսեթս) Հայկական Ուսումնասիրությունների եւ հետազոտությունների Ազգային ընկերության (NAASR) կենտրոնում խոսել է «Թագավորը եւ 40 որբերը: Եթովպիայում հայկական համայնքի ստեղծումը» թեմայի շուրջ, տեղեկացնում է «Արմինյն Միրոր-Սփեքթեյթր» շաբաթաթերթը:
1924 թվին Եթովպիայի գահաժառանգ իշխան Ռաս Թաֆարի Մակոննենը (ապագա կայսր Հայլե Սելասիեն) հավաքագրում է քառասուն հայ որբերի, որպեսզի կազմավորեն արքունի առաջին նվագախումբը: Նվագախմբի ղեկավարինՙ Գեւորգ Նալբանդյանին հանձնարարվում է գրել Եթովպիայի պետական հիմնի երաժշտությունը:
Աճեմյանը այս իրադրության նշանակության մասին է խոսել Եթովպիայում հայ ներգաղթյալների պատմությանն անդրադառնալիս: Այդ պատմությունը սկսվել է 19-րդ դարի վերջերին, չնայած դրանից շատ առաջ հայ առեւտրականներ եւ պետական ծառայողներ օգտվել են եթովպական եւ հայկական եկեղեցիների միջեւ գոյություն ունեցող սերտ հարաբերություններից:
Աճեմյանը պատմաբան է, նաեւ գլխավոր խմբագիրը ակադեմիական երկլեզու «Etudes Armռniennes Contemporaines» հանդեսի: Հեղինակն է «Լes Arme՛niens en Ethiopie (19e-20e sieՙcles» (Հայերը Եթովպիայում 19-20-րդ դարերում) գրքիՙ հրատարակված 2013-ին:
