«SwissInfo» կայքում հայտնված իր հոդվածում Սիմոն Բրեդլին անդրադառնալով Ժնեւում Կիպրոսի հարցի կարգավորմանը միտված բանակցություններին, մեջբերել է ՄԱԿ-ի գլխավոր քարտուղար Անտոնիո Գուտերեշի խոսքերն այն մասին, որ «մենք շատ մոտ ենք համաձայնության գալու, բայց դեռ որոշ ճանապարհ պետք է անցնենք: Այդուհանդերձ, հրաշքներ մի ակնկալեք»:
Նա նշել է, որ բանակցությունները կշարունակվեն այնքան ժամանակ, որքան անհրաժեշտ է: «Մենք աղետալի շատ իրադարձություններ ենք դիմակայում եւ հույսի թեկուզ խորհրանշական նշույլի կարիքն ունենք: Ես հավատացած եմ, որ Կիպրոսի հարցի կարգավորումը կլինի այդ հույսի նշույլը 2017-ի սկզբներին», ասել է Գուտերեշը:
Բրիտանիայի, Հունաստանի եւ Թուրքիայի արտգործնախարարները նույնպես հանդիպել են Ժնեւում կղզու անվտանգության հարցերի շուրջ խոսելու: Իր հերթին Շվեյցարիայի արտգործնախարարը ողջունել է բանակցությունները, որոնք անցյալում էլ Ժնեւում են տեղի ունեցել: «Մենք առաջընթաց ենք տեսնում դեպի խաղաղություն, հաշտեցում եւ դաշնային պետության կազմավորում: Դա մեծ քայլ է», նշել է նա: Գուտերեշի հետ հանդիպմանը նա քննարկել է հակամարտությունների կանխարգելման, ՄԱԿ-ի գործունեության հետագա բարեփոխությունների եւ «ՄԱԿ-ի Ազգություների պալատի» գլխամասային շենքի վերանորոգման հարցերը:
