Ադրբեջանի արտգործնախարար Էլմար Մամեդյարովը սենսացիոն հայտարարություն է արել, ասելով, թե «Բաքուն բանակցություններ է վարում միջազգային կազմակերպություններին հայկական օկուպացումից ազատագրված տարածքների վերականգնման գործում ներգրավելու նպատակով»: Նրա խոսքերովՙ «ՄԱԿ-ի բանաձեւերում չկան խնդրանքներ, դրանցով պահանջվում է ազատել օկուպացված տարածքները: Բայց մինչ մյուս հակամարտություններին վերաբերող ՄԱԿ-ի բանաձեւերը անմիջապես կատարվում են, տվյալ դեպքում դա տեղի չի ունենում: Այդ բանաձեւերն անժամկետ են»: Նա ավելացրել է. «Չեմ կասկածումՙ մենք մեկ առ մեկ կազատագրենք բոլոր օկուպացված շրջանները»: «Ռեգնում» գործակալությունը հաղորդում է, որ 2016 թ. հոկտեմբերի 22-ին Վենեսուելայի նախագահ Մադուրոյի հետ փաստաթղթերի ստորագրումից հետո նախագահ Ալիեւը լրագրողներին հայտնել է միջազգային այն կազմակերպությունների անունները, որոնց միջոցով Բաքուն մտադիր է հասնել իր օգտին ԼՂ հակամարտության լուծմանը: Դրանք են Իսլամական համագործակցության կազմակերպությունը, Եվրոխորհրդարանը, Եվրոպայի խորհուրդը, ԵԱՀԿ-ն, Չմիանալու շարժումը:
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2025 «ԱԶԳ» վերլուծական