Ամերիկյան «Թայմ» հանդեսը հերթական անգամ հրապարակել է մոլորակի գլխավոր մարդկանց վարկանիշների սեփական ցանկը: Ըստ այդմ 2016 թ. «Տարվա մարդ» է ճանաչվել ԱՄՆ-ի նորընտիր նախագահ Դոնալդ Թրամփը: Հանդեսի շապիկի վրա, ինչպես երեւում է վերեւի նկարում, կաշվե բազկաթոռին նստած միլիարդատերն է: Ըստ որում, առաջին էջի միակ ենթավերնագիրն էՙ «Ամերիկայի Անջատյալ Նահանգների նախագահ»: Թրամփին նվիրված խմբագրական հոդվածում լրագրողներն այդպես էլ չեն կողմնորոշվումՙ Թրամփի գործունեության մեջ աշխարհի վրա դրակա՞ն ազդեցությունն է շատ, թե՞ բացասական:
«Տարվա մարդու» կոչման հավակնորդների համառոտ ցանկում հայտնվել են նաեւ ՌԴ նախագահ Վլադիմիր Պուտինը, Հիլարի Քլինթոնը, «Ֆեյսբուքի» հիմնադիր Մարկ Ցուկերբերգը, երգչուհի Բեյոնսե Նոուլզը, Հնդկաստանի վարչապետ Նարենդրա Մոդին, բրիտանացի քաղաքական գործիչ Նայջլ Ֆարաջը, Թուրքիայի նախագահ Ռեջեփ Թայիփ Էրդողանը, մարմնամարզուհի Սիմոնա Բայլզը, ԴՆԹ-ի «խմբագրման» CRISPR տեխնոլոգիան մշակած գիտնականները:
