Ազգային ժողովն այս շաբաթվա քառօրյա նիստերի վերջին օրը, վարչապետ Կարեն Կարապետյանի բացակայությամբ, որը մասնակցել է ԵՏՄ վարչապետների հավաքին, սկսել է քննարկել 2017 թվականի բյուջեի նախագիծը: Այսօր հրավիրված արտահերթ նիստում նախագծի քննարկումը կշարունակվի: Ըստ բյուջեն ներկայացնող ֆինանսների նախարար Վարդան Արամյանի` եկող տարվա բյուջետային եկամուտներն առավելաբար հարկային մուտքերից են ձեւավորվելու: Բյուջեի եկամտային մասը կազմելու է 1 տրիլիոն 210 մլրդ դրամ, ծախսերը` 1 տրիլիոն 360 մլրդ դրամ, ՀՆԱ-ի աճը 3,2 տոկոս է նախատեսված: Պետական պարտքը, որ այս տարվա վերջին կազմելու է 5 մլդ 849 մլն դոլար, եկող տարի զգալիորեն հատելու է 6 մլրդ դոլարի սահմանը, սակայն, ըստ Արամյանի, մենք պարտքային փոսից դուրս ենք գալու, քանի որ մեր պարտքը միջազգային չափանիշային գնահատականներով միջին ծանրությունից շատ ավելի նվազ պարտք է, բյուջեում էլ արտաքին շոկերի հանդեպ այնպիսի «անվտանգության բարձիկներ» են ներառված, այնպիսի պահպանողական բյուջե է նախագծված, որ անկանխատեսելի վիճակներ չեն կարող լինել:
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2026 «ԱԶԳ» վերլուծական