Հուլիսի 14- ին Բաքվում ողջագուրվեցին տարածքային ամբողջականության երազը հրամայական դարձրած Ուկրաինայի նախագահ Պորոշենկոն եւ Ադրբեջանի նախագահ Ալիեւը։ Եթե Պորոշենկոն առաջին անգամ էր հյուրընկալվում Բաքվում, ապա հարեւանՙ «մեկ ազգ, երկու պետություն» երկրի արտգործնախարար Մեսութ Չավուշօղլուն, որ նույն օրը Ադրբեջանի մայրաքաղաքում էր աշխատանքային այցով, հուլիսի 15- ին է հանդիպելու իր պաշտոնակից Մամեդյարովին։ Իհարկե կարելի է կռահել, թե Ռուսաստանի արտգործնախարարի այցից անմիջապես հետո ի՛նչ հարցեր են քննարկելու երկու դրկից- եղբայրները, բայց ավելի ճիշտ է հանդիպման մանրամասներին հետեւել այսօր հայտարարված մամուլի ասուլիսը բաց չթողնելով։
Հուլիսի 14- ին Բաքվում մեկ ուրիշ ուշագրավ հանդիպում էլ է եղել.ինչպես իրազեկում է «Ազերթաջը», Ադրբեջանի ռազմարդյունաբերության նախարար Յավեր Ջամալովը հանդիպում է ունեցել Բելառուսի պաշտպանության նախարարի առաջին տեղակալ գեներալ մայոր Օլեգ Բելոկոնեւի գլխավորած պատվիրակության հետ, հետաքրքրություն հայտնել համագործակցել ռազմարդյունաբերության ոլորտում։
