Որպես անդրադարձ հունիսի 2-ին Հայոց ցեղասպանության փաստը ճանաչող Գերմանիայի բունդեսթագի ընդունած բանաձեւի, հաջորդ օրը հունիսի 3-ին ամերիկյան հեղինակավոր «Նյու Յորք Թայմս» պարբերականը հրատարակել է խմբագրական «Այո՛, ցեղասպանություն է» խորագրով, ինչի առիթով Ամերիկայի Հայկական համագումարի գործադիր տնօրեն Բրայան Արդունին համագումարի եւ ողջ հայկական համայնքի անունից ողջույնի նամակ է հղել խմբագրությանը, որտեղ նշել է, որ պարբերականի խմբագրականը ընդգծել է բունդեսթագի որոշմանը ի պատասխան Թուրքիայի վարքագծի ամբողջական անհեթեթությունը: «Անցյալի հանցագործությունների վրա լույս սփռելը Թուրքիային անհարմար դրության մատնելու միտված չէ: Այն կարեւոր է, սակայնՙ անցյալից դասեր քաղելու եւ ապագայում ցեղասպանությունները կանխելու համար: Փոխանակ շարունակելու տասնամյակներ ձգվող ժխտողական արշավը, Թուրքիան հնարավորություն ունի սովորելու Գերմանիայի օրինակից: Գերմանիան ավելի լավ երկիր դարձավ ընդունելով իր մեղքը Հոլոքոսթի սանձազերծման գործում: Թուրքիան էլ կարող է նույնը անել Հայոց ցեղասպանության առնչությամբ», գրել է Բրայան Արդունին «Նյու Յորք Թայմսին» ուղղված իր նամակում:
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2026 «ԱԶԳ» վերլուծական