«Հակամարտության գոտում հրադադարը պահպանելն ու հարցի լուծումը քաղաքական գործընթաց վերադարձնելը կարեւոր է, դիվանագետների, եւ ոչ թե զինուժի միջոցով պետք է լուծում գտնել, որպեսզի մարդիկ չզոհվեն եւ ենթակառուցվածքները չոչնչացվեն: Ռուսաստանը պատրաստ է օգտագործել իր ազդեցությունը ԵԱՀԿ Մինսկի խմբի շրջանակում ԼՂ հակամարտության քաղաքական լուծման համար` բացառելով հակամարտության թեժացումը, քանի որ այն լի է վտանգավոր ռիսկերով», ասել է երեկ Երեւանում Ռուսաստանի վարչապետ Դմիտրի Մեդվեդեւը ` Հայաստանի լրատվամիջոցների հետ հանդիպման ժամանակ: Խնդիրը, ինչպես նաեւ Ղարաբաղի եւ Ադրբեջանի հետ շփման գծում լարվածության թուլացման անհրաժեշտությունը նա քննարկել էր Հայաստանի վարչապետ Հովիկ Աբրահամյանի հետ հանդիպման ժամանակ:
Նույն ժամանակի մեջ, երբ այս խոսքերն ասվել են, Ստեփանակերտում մամուլի ասուլիս է տվել ԼՂՀ նախագահ Բակո Սահակյանը, նշելով, որ ցանկացած առաջարկություն լիարժեք կյանքի չի կոչվի, քանի դեռ բանակցային գործընթացին չի մասնկացում Լեռնային Ղարաբաղը: Նրա խոսքն անուղղակի հասցեագրված էր ե՛ւ Ստեփանակերտում գտնվող Մինսկի խմբի համանախագահներին, ե՛ւ հավանաբարՙ երեկ Երեւանում, այսօր Բաքվում խոստումներ տվող Մեդվեդեւին:
