Նախագահ Սերժ Սարգսյանը մարտի 10-ին կարճատեւ աշխատանքային այցով մեկնել է Մոսկվա, որտեղ նրան ընդունելու է իր ռուս գործընկեր Վլադիմիր Պուտինը: ՌԴ նախագահի մամուլի խոսնակ Դմիտրի Պեսկովը հայտարարել է, որ Հայաստանի ու Ռուսաստանի նախագահները խոսելու են նաեւ ԼՂ հակամարտությունից, «որտեղ կայունությունը չի ավելանում Թուրքիայի նման անհանգիստ տարածաշրջանի հարեւանությամբ»: Ի դեպ, ամենեւին պատահական չէ, որ Պեսկովն օգտագործել է հենց «անհանգիստ» բառը, ճիշտ էՙ Թուրքիայի հասցեին ուղղված: Բանն այն է, որ ՀՀ նախագահիՙ Մոսկվա ուղեւորվելու օրերին ռուսական կիսապաշտոնական պարբերականներից մեկը գրեց, թե Սերժ Սարգսյանը Մոսկվա է կանչվում, քանի որ Կրեմլը անհանգստացած է ԼՂ հակամարտության հետ կապված:
Միեւնույն ժամանակ, «անհանգիստ» Թուրքիայի նախագահ Էրդողանը նույն օրերին գտնվում է Կիեւում, որտեղ իր ուկրաինացի գործընկեր Պետրո Պորոշենկոյի հետ համատեղ ասուլիսում հայտարարել է, որ «Թուրքիան եւ Ուկրաինան համատեղելու են իրենց ջանքերըՙ Ղրիմն Ուկրաինային վերադարձնելու կապակցությամբ»:
Ռուսաստանն, իհարկե Ղրիմը չի տա, եւ ոչ միայն Ռուսաստանը, եւ ոչ միայն Ղրիմը:
