Փետրվարի 6-ին մի խումբ անձինք Ստամբուլի Շիշլի թաղամասում մտել են մի տարեց ամուսինների տունՙ թալանելու նպատակով: Տանտերըՙ 87-ամյա Պետրոս Դեմրջին է, ով Ստամբուլում անվանի ոսկերիչ է, ծագումովՙ հայ: Ավազակները կապկպել են պարոն Դեմիրջիին, ինչպես նաեւ նրա 79-ամյա տիկնոջը, ինչի հետեւանքով հայազգի ոսկերիչը խեղդվել է, իսկ կինըՙ ծանր վիճակում տեղափոխվել հիվանդանոց: Ստամբուլի ոստիկանությունն արդեն իսկ ձերբակալելե է գորեւծով կասկածյալներին, որոնց թվում, ըստ թուրքական աղբյուրների, կան Հայաստանի քաղաքացիներ:
Ավելի ուշ, ՀՀ ԱԳՆ-ն հաստատել է թուրքական կողմի վարկածը եւ տեղեկացրել, որ այս գործով ձերբակալվածների մեջ, այո, կան ՀՀ քաղաքացիներ, որոնց մեր արտգործնախարարությունը օգնություն չի կարող տրամադրելՙ Թուրքիայի հետ դիվանագիտական հարաբերություններ չունենալու պատճառով: Չնայած այս հանգամանքին, ԱԳՆ-ն շեշտել է, որ ինքը ուշադիր հետեւում է դեպքերի հետագա ընթացքին:
