Արագածոտնի մարզի Մարդու իրավունքների պաշտպանության, «Իրավագետ սերունդ» հկ-ի նախագահ, այրենուհի Գեւորգյան եւ թոշակառու ուսուցիչների ակումբի անդամներ
Աշտարակ քաղաքի թոշակառու ուսուցիչները իրենց երախտագիտությունն են հայտնում ՀՀ ԱԺ պատգամավոր Արագած Ախոյանին, որ նա մշտապես կանգնած է ժողովրդի կողքին եւ անշահախնդիր օգնում է նրան: Ուսուցիչների հիշողությունից չէր ջնջվել այն պահը, երբ Արագած Ախոյանը կատարեց իր բոլոր խոստումները: Պարոն Ախոյանը դպրոցներին նվիրեց հեռուստացույց, համակարգիչ եւ երաժշտական գործիքներ:
Դա խոսում է նրա մեծ պատասխանատվության, գիտակցության եւ արժանապատվության մասին:
Այս անգամ էլ, պարոն Արագած Ախոյանը, ուսուցչի օրվա կապակցությամբ մեծ հյուրասիրություն կազմակերպեց Աշտարակի թոշակառու ուսուցիչների համար, որտեղ հրավիրված էր նաեւ նրա առաջին ուսուցչուհին` տիկին Ս. Համբարձումյանը: Այդ անակնկալ ուշադրությունից ցնծություն ապրեցին թոշակառու ուսուցիչները:
Ուսուցիչները նախապես ծանոթ էին պրն Ա. Ախոյանի Արեւմտյան Հայաստանի հետ կապված հայրենասիրական գործունեությանը: Եվ քանի որ մարզի գաղթականների մոտ մեծ արձագանք էր գտել նրա գործունեությունը, ուսուցիչները խնդրեցին, որ առավել ոգեւորությամբ շարունակի իր առաքելությունը: Պատգամավորի ազնիվ նկարագիրը, արժանապատվությունն ու մարդկային բարձր որակը հիացրել էին ուսուցիչներին, ովքեր էլ որոշեցին գրել այս նամակը:
