Հայաստանի էներգահամակարգի արտադրական հզորությունների զարգացմանը եւ էլեկտրական էներգիայի արտահանմանը նպաստելու նպատակով կառավարությունը երեկ հավանություն տվեց «Ռենկո» ընկերության հետ կնքվող` Երեւան քաղաքի տարածքում համակցված շոգեգազային ցիկլով 234 ՄՎտ ընդհանուր հզորությամբ էլեկտրաէներգիա արտադրող նոր էլեկտրակայանի կառուցման եւ շահագործման վերաբերյալ փոխըմբռնման հուշագրին: Փոխըմբռնման հուշագրով «Ռենկոն» պարտավորվում է 4 ամսվա ընթացքում ստուգել էլեկտրակայանին վերաբերող նախագծի իրականացման հնարավորությունը: Նախագծի իրականացման նպատակահարմարության դեպքումՙ «Ռենկոն» Հայաստանում կհիմնի առեւտրային կազմակերպություն, որի հետ կկնքվի էլեկտրակայանի կառուցման վերջնական պայմանագիր, որի համաձայնՙ ՀՀ կառավարությունը կաջակցի ընկերությանը հողատարածք ձեռք բերել էլեկտրակայանի կառուցման համարՙ «Երեւանի ՋԷԿ»-ին հարակից տարածքում: Պայմանագրի կնքման պահից «Ռենկոն» պարտավորվում է 30 ամսվա ընթացքում իր հաշվին կառուցել էլեկտրակայանը, ներդնելով 215 մլն դոլար: Կարեւորելով ներդրումային այս ծրագրի իրականացումը, վարչապետ Հովիկ Աբրահամյանն ընդգծեց, որ այն օտարերկրյա ներդրում էՙ առանց պետական պարտքի ավելացման:
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
«ՌԵՆԿՈՆ» ՇՈԳԵԳԱԶԱՅԻՆ ՆՈՐ ԷԼԵԿՏՐԱԿԱՅԱՆ ԿԿԱՌՈՒՑԻ ԵՐԵՎԱՆՈՒՄ
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական