Թեպետ օրեցօր աճում է սիրիացի փախստականների հոսքը դեպի Եվրոպա, հատկապեսՙ բարեկեցիկ Գերմանիա, Ֆրանսիա, բայց ըստ EuropeNews-ի սեպտեմբերի 21-ի տվյալների, սիրիացի 350 ընտանիք որոշել է տուն վերադառնալՙ Հոմսից 45 կիլոմետր հեռու Ալ Քուսեյր քաղաք: Ըստ նույն աղբյուրի, քրիստոնյաները լքել են այստեղի իրենց տները 2013- ին: Տեղի քրիստոնեական համայնքի վերաբնակեցման նախագիծը համակարգում է Հոմսի մելքիտներիՙ արեւելյան քրիստոնյաների եպիսկոպոս Ժան Աբդո Արբախը: Նրա ջանքերով վերակառուցվում է նաեւ Սուրբ Եղիայի եկեղեցին, որ մասամբ փլուզվել էր քաղաքում ընթացող մարտերի ժամանակ: Պատերազմից առաջ Ալ Քուսեյրը 65 հազար բնակիչ ուներ, այժմ տների միայն կեսն է կանգուն: Քաղաքը ռազմավարական նշանակություն ունեցող տեղանքում է. Դամասկոսը կապում է ծովեզերքին եւ մոտ է նախագահ Ասսադի դաշնակից լիբանանյան Հըզբոլլահի հենակետերին: Պատերազմի առաջին փուլում քաղաքը գրավել էին սուննի մահմեդականները, հետեւանքը եղել էր այն, որ բնակչության մեծամասնությունը կազմող քրիստոնյա 700 ընտանիք եւ ալեւիները գաղթել էին: 2013-ին Ասադի զորքը ծանր մարտերից հետո ազատագրել էր քաղաքը:
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2025 «ԱԶԳ» վերլուծական