Այս օրերին Ռուսաստանում էր Թուրքիայի նախագահ Էրդողանը: Ընդունելով իր թուրք գործընկերոջըՙ ՌԴ նախագահ Վլադիմիր Պուտինը թուրքերենով ասել է. «Hos geldiniz», ինչը թարգմանաբար նշանակում է` «բարով եք եկել»: Հարկ է նկատել, որ Ռեջեփ Թայիբ Էրդողանը Մոսկվա իրոք բարով էր գնացել, քանի որ Ռուսաստանն ու Թուրքիան բացի նրանից, որ ընդգծել են այն հանգամանքը, որ «երկու երկրների միջեւ չափազանց լավ է ընթանում հարաբերությունների զարգացումը», նաեւ կրկին Մոսկվա ժամանած Պաղեստինի առաջնորդ Մահմուդ Աբասի հետ` բացել են Մոսկվայի Մայր մզկիթը: Վերջինը, նշենք, որ կառուցվել է դեռեւս 1904-ին, եւ չի փակվել անգամ սովետական տարիներին: Մի քանի տարի առաջ մզկիթը սկսեցին վերակառուցել եւ այժմ այն հանդիսանում է Եվրոպայի ամենամեծ մզկիթը, որտեղ միաժամանակ կարող են աղոթել 10 հազար հավատացյալ-մահմեդականներ:
Ի դեպ, նախքան Մայր մզկիթի վերակառուցումը Եվրոպայի ամենամեծ մզկիթը կրկին գտնվում էր Ռուսաստանի Դաշնության տարածքում, այն Չեչնիայի առաջնորդ Ռամզան Կադիրովի կառուցած մզկիթն էր` Գրոզնիում:
Չմոռանանք ասել, որ «ս դոբռոմ պռիեխալի» բառերը, եթե թարգմանենք հայերեն կլինի` «բարով եք եկել», բայց սա` իմիջիայլոց, ի գիտություն:
