ԱԺ հանրապետական պատգամավոր Մհեր Սեդրակյանը, լրագրողների հարցին, թե ի՞նչ կարծիք ունի սահմանադրական փոփոխությունների վերաբերյալ, պատասխանել է` «Չեմ ասի»: Լրագրողներն, իհարկե, համառել են, Սեդրակյանն էլ այս անգամ վանկարկելով է ասել իր պատասխանը` «Չեմ ա-սի»: Ի վերջո պատգամավորը տեղի է տվել լրագրողական համառությանը եւ ասել է. «Իմ կարծիքը սահմանադրության մասին թող գաղտնիք մնա»:
Միեւնույն ժամանակ մեկ այլ, կրկին հանրապետական պատգամավոր, գեներալ Սեյրան Սարոյանը ԱԺ-ում սահմանադրական փոփոխությունների քննարկումների ժամանակ, փոփոխված սահմանադրության մասին, ասել է.«Էտի լավ բանա»: Հիշեցնենք, որ օրեր առաջ, երբ ԲՀԿ-ից դուրս եկած, բայց ԲՀԿ պատգամավոր մնացած մի շարք պատգամավորներ հանդիպել էին նախագահ Սարգսյանին` քննարկելու սահմանադրական փոփոխությունները, նրանցից մեկը հայտարարել էր, թե «Շատ հրաշալի, գրագետ գրված սահմանադրություն ա»:
Կարծում ենք, նման դեպքերում, գաղտնիությունն ավելի լավ բան է:
