Մուսալեռան հերոսամարտի 100-ամյակի տոնակատարությունները սեպտ.ի 15-ին մեկնարկեցին ինքնապաշտպանության ղեկավարներից Եսայի Յաղուբյանի շիրիմ-հուշարձանից, որը գտնվում է Շահումյանի հին գերեզմանատանը եւ կառուցվել է 1960-ական թթ.ին մեծ ճարտարապետ Ռաֆայել Իսրայելյանի նախագծով, ինչպես Մուսալեռ հուշարձան-կոթողըՙ Երեւանի մոտ գտնվող Մուսալեռ գյուղի բարձունքին:
Հայաստանի Մուսալեռ հայրենակցական միության վարչության նախաձեռնությամբ կայացած այցելությանը բնականաբար մասնակցում էր նաեւ Ռամկավար Ազատական կուսակցության հանրապետական վարչության պատվիրակությունը, որը ծաղիկներ խոնարհեց ազգային այդ խոնարհ, բայց մեծ հերոսի հիշատակին եւ մասնակցեց հոգեհանգստյան արարողութանը, որը մատուցեց ջեբել-մուսացի ծերունազարդ հոգեւոր հովիվ տեր Մովսես ավագ քահանա Ղազարյանը:
Բացի Հայաստանից եւ տարբեր գաղթօջախներից ժամանածներից, հիշատակի արարողությանը մասնակցում էր ՀՀ պաշտպանության փոխնախագահ Արա Նազարյանը:
Եղան մի շարք ելույթներՙ ընդհանրապես հերոսամարտին եւ մասնավորապես Եսայի Յաղուբյան հերոսին նվիրված:
