Թուրքիայի արդարադատության մարմինները հետաքննում են քրդամետ Ժողովրդի դեմոկրատական կուսակցության ղեկավար Սելահաթթին Դեմիրթաշի վերաբերյալ հնչեցված այն մեղադրանքը, թե ընդդիմադիր քաղաքական գործիչը հանրային կարգուկանոնը խախտել է, անկարգություններ հրահրել, բռնության կոչեր հնչեցրել անցյալ հոկտեմբերին Դիարբեքիրումՙ քրդական զինյալ բողոքի ցույցերի ժամանակ, որի ընթացքում ավելի քան 30 մարդ էր սպանվել: Քրդերը բողոքում էին, որ Թուրքիան խոչընդոտում է իրենցՙ Սիրիայի ազգակիցներին ռազմական օգնություն տրամարելուն: Եթե ապացուցվի Դեմիրթաշի ներգրավվածությունը, նրան կսպառնա 24 տարվա ազատազրկում, փոխանցում են գերմանական լրատվամիջոցներըՙ հղում անելով թուրքական « Անադոլու» գործակալությանը: Դեմիրթաշի ղեկավարած կուսակցությունը պառլամենտական հունիսյան ընտրություններում 13 տոկոս քվե էր ստացել: « Մեր գործած միակ « հանցանքը «13 տոկոս ձայնն է», ասել է Դեմիրթաշը:
Վերջին լուրեր
Վեհափառն ընդունել է Հունաստանի հայոց թեմի և Կրետեի ուխտավորներին
Նոյեմբերի 2-ին Ն.Ս.Օ.Տ.Տ. Գարեգին Երկրորդ Ծայրագույն Պատրիարք և Ամենայն Հայոց Կաթողիկոսն ընդունեց Հունաստանի հայոց թեմի թեմական կառույցների ներկայացուցիչներին և Կրետեի...
Կարդալ
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական