ՕԴԱՆԱՎ ՏԱՐՎՈՂ ՁԵՌՔԻ ՈՒՂԵԲԵՌԻ ՉԱՓՍԵՐԸ ՆՎԱԶԵՑՆԵԼՈՒ ՊԱՀԱՆՋ

ԱՆ. Հ., Գերմանիա

Գերմանական լրատվամիջոցները ծանուցում են, թե IATAՙ Ավիափոխադրողների համաշխարհային միությունը ավիաընկերություններին հորդորել է օդանավ տարվող ձեռքի ուղեբեռի չափսերը նվազեցնելՙ թույլատրելի 55- 45-25 սանտիմետրանոց ճամպրուկի փոխարեն այժմ նախատեսվում է 55-35-20 սանտիմետրանոցն արտոնել: «Հանդելսբլաթի» փոխանցմամբՙ թեպետ հայտնի ավիաընկերություններն ուզում են շրջանառության մեջ դնել վերոնշյալ առաջարկը, բայց «Washington Post»-ի պնդմամբ, հինգշաբթի օրը գերմանական «Լուֆթանզան», Germanwings-ը դեռ հստակ հայտարարություն չեն արել այն կիրառելու վերաբերյալ: Ավստրիական «Դի փրեսսեն» ծանուցում է Ավստրիական ավիաուղիների տեսակետը, թե ստանդարտ չափեր կիրառելու առաջարկ-պահանջն իմաստ ունի եւ բխում է նաեւ ուղեւորի շահերից, բայց ավիաընկերության խոսնակի փոխանցմամբՙ «իրենք դեռեւս որեւէ փոփոխություն չեն նախատեսում»: