Բաքվում այսօր բացվեցին Եվրոպական առաջին խաղերը: Հիշեցնենք, որ Հայաստանի պատվիրակությունը եւս մասնակցում է այդ խաղերին եւ այս օրերին գտնվում է Ադրբեջանի մայրաքաղաքում, եւ ինչպես փոխանցում է մեր հավաքականի մամուլի խոսնակ Կարեն Գիլոյանը` հենց Բաքվից, ամեն ինչ լավ է, մարզիկների տրամադրությունը` մարտական եւ թիմը պատրաստ է պայքարի:
Փոխարենը Ավստրիայի թիմն ամբողջությամբ պատրաստ չէ պայքարին, քանի որ Բաքու ժամանման առաջին իսկ օրը, երբ Ավստրիայի պատվիրակության կազմի մարզուհիները քայլելիս են եղել Բաքվի Օլիմպիական գյուղի միջով, ընկել են ավտոբուսի տակ եւ հիմա հիվանդանոցի վերակենդանացման բաժանմունքում են: Միեւնույն ժամանակ, ռուս եւ ուկրաինացի մարզիկները ինչ-որ բան (հավանաբար` Ղրիմը) չեն կիսել եւ ակտիվ վիճաբանություն են սարքել:
Հայտնի` «Հարսնացուն հյուսիսից ֆիլմում» մի արտահայտություն կա` «Լոպազ շանորդիք»: Հիշեցինք այդ արտահայտությունը, քանի որ ցանկանում ենք հարց տալ Բաքվի խաղերի կազմակերպիչներին. բա որ չէիք կարողանալու հավուր պատշաճի` սկզբի համար դիմավորել բոլոր հյուրերին, էլ ինչի՞ էիք խաղերը հանձն առնում…
