Արեւմտագերմանական ռադիոյի մշակութային ալիքըՙ WDR 3 -ը մարտի 24-ից 29 – ը անդրադառնալու է Հայաստանինՙ Հայոց ցեղասպանության 100-ամյա տարելիցի առիթով շեշտադրելով այն փաստը, որ 1, 5 միլիոն զոհերից բացի Աղետի հետեւանքով ընտանիքներ քայքայվեցին, սփռվեցին աշխարհով մեկ: Այսօր էլ արդիական հնչեղությունը չեն կորցնում անցյալ դարասկզբի թեմաներըՙ փախուստ, բռնի տեղահանում եւ իհարկեՙ նոր սկիզբ: Թեմաների այս շրջանակն է ընտրել ռադիոն եւ ուկնդիրներին ներկայացնելու է, թե ինչպես են հայերն իրենց հայրենի մշակութային հենքով ապրում սփյուռքումՙ ներկան հարստացնելով հիշողություններով հյուսած ամուր ոստայնով: Ռադիոն մարտի 24-ին ժամը 23.05-ին կանդրադառնա ամերիկահայ ուդահար Արա Դինքիջյանին, մարտի 28-ին ժամը 15.05-ին եւ 23.05-ին կհեռարձակի «Ձայնն իր տեղը թող դառնա» հայ կնոջ մասին ռադիոբեմադրությունը, իսկ նույն օրըՙ ժամը 12.05- 13-ը եւ 15.05- 16.00-ը «Ճանապարհ դեպի Չանղրի. երգահանը եւ Հայոց ցեղասպանությունը» Կոմիտասի կյանքի մասին հաղորդումը: Մարտի 29-ին ժամը 16.05 – 17.05-ին ռադիոն իր ունկնդիրներին կներկայացնի տարբեր համերգների ձայնագրություններից կազմված հայկական մեղեդիներ:
Վերջին լուրեր
Լարսի անցակետը փակվել է նաև մարդատար ավտոմեքենաների համար
Ստեփանծմինդա-Լարս ավտոճանապարհը փակվել էր բեռնատարների համար՝ եղանակային պայմանների պատճառով։ Քիչ առաջ հայտնի դարձավ, որ անցակետը փակվել է նաև մարդատար ավտոմեքենաների...
ԿարդալDetails
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2024 «ԱԶԳ» վերլուծական