Հարավային Կալիֆոռնիայի համալսարանի հայկական ուսումնասիրությունների ինստիտուտի մամլո հաղորդագրությունը տեղեկացնում է, որ Հայոց ցեղասպանության հարյուրամյակի շեմին ղարաբաղյան հակամարտության միջազգայինՙ թերեւս ամենահայտնի փորձագետ, «Կառնեգի Էնդաումենտի» Ռուսաստան եւ Եվրասիա միջազգային խաղաղության ծրագրի ավագ գիտաշխատող, «Սեւ պարտեզ: Հայաստանը եւ Ադրբեջանը խաղաղության եւ պատերազմի միջով» եւ «Կովկաս: Ներածություն» գրքերի հեղինակ Թոմաս դը Վաալը լույս է ընծայել իր նորՙ «Մեծ Աղետ: Հայերն ու թուրքերը ցեղասպանության ծածկի տակ» գիրքը, որտեղ քննարկվում են հատկապես վերջին հիսուն տարում գնալով վատթարացող հարաբերությունները հայերի եւ թուրքերի միջեւ, առաջինների ճանաչման առավել պահանջների եւ վերջինների ժխտման առավել հաստատակամ մոտեցումների լույսի ներքո:
Գրքի հրատարակման առթիվ վերոնշյալ համալսարանի «Ground Zero» սրճարանում փետրվարի 23-ին դը Վաալը թեմայի շուրջ զրուցել է նույն համալսարանի միջազգային հարաբերությունների ինստիտուտի տնօրեն պրոֆ. Ռոբերտ Ինգլիշի հետ, ով Խորհրդային Միության փլուզման տարիներին տարածաշրջանում է եղել (ներառյալ Հայաստանում) եւ գիրք է գրել սառը պատերազմի ավարտի մասին:
