Իտալական GhostArk ընկերությունը հայտարարել է, որ ինքը ստեղծել է ոգիների եւ ուրվականների ներկայությունը հայտնաբերող սարք:
Դատելով ընկերության կայքում ներկայացված պատկերներից, GhostArk-ում ներկայումս վերջնամշակվող սարքը կունենա սովորական սմարթֆոնի չափեր: Երեսակողմի վրա կլինեն փոքր էկրան, մի քանի կոճակ եւ երեք պտտվող փոխարկիչներ: Մնացած կոճակները կտեղաբաշխվեն սարքի կողմնային մասերում:
Նախատեսվում է դետկետորը հանդերձավորել բազմաթիվ ու բազմապիսի տվիչներով, ներառյալ էլեկտրամագնիսական դաշտի տվիչը, ռադիոհաճախականությունների սքաները եւ այսպես կոչված էլեկտրոնային ձայնի ամրագրման սենսորը: Ձայնագրության մեջ լսվող այդ աղմուկը հիշեցնում է մարդկային ձայներ: Ոմանք այդ «սպիտակ աղմուկը» համարում են անդրաշխարհի ուժերի գոյության ապացույց: Սարքը կարող է նաեւ չափել ջերմաստիճանն ու ճնշումը եւ ձայնագրություն կատարել զգայուն խոսափողերի շնորհիվ:
Տվիչներից ստացվող բոլոր տվյալները կպատկերվեն էկրանի վրա եւ կպահպանվեն հիշողության մեջՙ հետագա վերլուծության համար:
MotherBoard էլեկտրոնային հրատարակությունը նշում է, որ «ուրվականների որսորդների» սարքի մտահղացման հեղինակը Մասսիմո Ռոսսին է, որի թիմի ճարտարագետները ռոբոտատեխնիկա են սովորել Ճապոնիայում:
Սպասվում է, որ GhostArk-ի սարքը շուկայում կհայտնվի մինչեւ ամառ եւ կարժենա 250 դոլար: MotherBoard-ի լրագրողները խոստացել են փորձարկել սարքը եւ հաշվետվություն ներկայացնել գիտափորձի արդյունքների վերաբերյալ:
