«Գաֆեսճյան» հիմնադրամը դժվարին որոշում է ընդունել փակելու «Արմինյն Ռիփորթր» («Armenian Reporter») թերթը: Ցավում ենք, որ ստիպված ենք եղել նման որոշում կայացնելու թերթի ավելի քան 8 տարվա հրատարակությունից հետո:
Մենք շնորհակալություն ենք հայտնում մեր բոլոր ընթերցողներին եւ այն անհատներին, ովքեր աջակցել են թերթին», ասված է «Գաֆեսճյան ընտանիք հիմնադրամի» նախագահ Քեթլին Գաֆեսճյան-Բարադարանի հայտարարության մեջ:
«Armenian Reporter» թերթը, ըստ վերոնշյալ լուրը տպագրած «Արմինյն Միրոր-Սփեքթեյթր» շաբաթաթերթի, հիմնադրվել էր 1967-ին Նյու Յորքում, այժմ հանգուցյալ Էդուարդ Պողոսյանի կողմից: 2006-ին այն վաճառվել էր «CS Media» լրատվաընկերությանը, որի բաժնետոմսերի մեծ մասը պատկանում էր Ջերարդ Գաֆեսճյանին:
