Երեկ Կոմիտասի անվան զբոսայգու տարածքում բացվեց հայ երաժշտության մեծ երախտավոր Կոմիտասի անվան թանգարան-ինստիտուտը: Բացմանը ներկա էին Հայաստանի նախագահ Սերժ Սարգսյանը, Արցախի նախագահ Բակո Սահակյանը, Հայոց ցեղասպանության 100-րդ տարելիցի միջոցառումները համակարգող պետական հանձնաժողովի անդամները: 2013 թվականի մայիսի 30-ին, Հայաստանի նախագահի առաջարկով, «Հայաստան» հիմնադրամի հոգաբարձուների խորհուրդն իր նիստում որոշեց Կոմիտասի թանգարան-ինստիտուտ ստեղծել: Դրա համար տրամադրվեց Կոմիտասի զբոսայգու տարածքում գտնվող մշակույթի տունը: Այն վերակառուցվեց, սարքավորվեց, հագեցվեց ժամանակակակից տեխնոլոգիաներով, մի շարք հավաքածուներից համալրվեց ցուցադրությությամբ ու արժեքավոր գիտական նյութով: Թանգարանն ունի հաներգասրահ, մշտական ցուցադրություն եւ ժամանակավոր նոր ցուցադրությունների հնարավորություն: Թանգարանի ութ սրահների մշտական ցուցադրությունն ամբողջացնում է Կոմիտասի կյանքն ու գործունեությունն` իր բոլոր փուլերում: Թանգարանում գործելու են գիտահետազոտական կենտրոն, երաժշտական ստուդիա, գրադարան, հրատարակչություն: Թանգարան-ինստիտուտը Կոմիտասի ստեղծած արժեքները լայնորեն հասանաելի կդարձնի մեր հասարակությանն, ու, ինչու չէ, կնպաստի դրանց տարածմանն աշխարհում: Ճարտարապետն է Արթուր Մեսչյանը:
Wildberries-ը նվազեցնում է միջնորդավճարը այն վաճառողների համար, ովքեր ապահովում են արագ առաքում մինչև գնորդ
“Վահան Թեքեյան” Սոցիալ-Մշակութային Հիմնադրամ
Բոլոր իրավունքները պաշտպանված են։ Կայքի նյութերը տարածելիս հղումը կայքին պարտադիր է։©2025 «ԱԶԳ» վերլուծական